Uff hohelouisch

S´isch scho vierzich Johr her, dass´s neunjährige Käpsele Nils Gessinger in Schwäbisch Hall voar viarhonderd Leit ewe gschbield had. Heut fülld´ d´zwelf Mou Nils Gessinger Kapell d´Halle un´d Zelt vun grousse interna.. üwerm Neckar drüwer hald ... Dschäss-Hocketse un had ned blouss a bar Ohrwürmerle beim Hörer, sondern au beischbielsweis mid "Angel" au bei de Indonesiers dere Hitparad oigschlage. Füar sora Karrier brauchsch fei a Glügg, ha woisch, abr grad zuafällich isch´s abr´a ned: Sei Opa hadm Bua Nils der erschde glassische Lehrschdond gewe, im Dschäss-Glub vom Papa unner Mama had er d´"Blue Notes" (hald so a bar blaue Node) gfonde, un dr schwarze Fangk&Soul had er in dr Discothegg vonem Bruada schätze glernd.

Mid solche vielfältige Erfahronge in hohelouwische Kappele ausgschaddet had er dann beim Dieter Glawischnig anner Musikhochschual bei de Fischköpf in Hamburg (Südschweda) "Dschäss un Glassig" schdudierd. In dere Zeit had sich dr oodz leideschaftliche Mobbedfahrer in dr Hamburger Musigszen etablierd.

D´Dee Dee Bridgewater, d´Inga Rumpf, die Platters, Georg Danzer oder d´Three Degrees schätzed sei Virtuositäd un sei musikalische Sensibilitäd, d´NDR BigBand had´n füar zahlreiche Schdudio- un Live-Produkzione angaschierd. Middlerweil ischer Leider vum Hamburger LandesJugendJazzOrcheschder "Jazzessence", mid wellem er viar CD´s (au mid´m Bob Mintzer) produziard had.

1995 entschdand die ned nuram Schdammdisch vialbeachdede erschd CD "Ducks´n´cookies". Insgsamd 28 Mugger, drunder au Leud wie Inga Rumpf, Bridget Fogle, Billy King, Peter Weniger odr Herb Geller, hen dene 14, au no in Dolby Surround abgmischde Fangk,-Soul-, Lädin- und Fjuschn-Liader ausem Bua seirer Fädr ihre oerreichde Sound gäbe.

Um den mid derer Produgdsion verbundene Verdrag beim ogsähene Ami-Läibel GRP wurschdeld sich´d Gschichd vom Tommi LiPuma, legendäre Produzent vom Miles Davis, Al Jarreau, Randy Crawford oderem David Sanborn, der beirem Deutschlandbsuch a Bändle vom Nils Gessinger sich gralld had un ihn glei un als erschde europäisch/hohelowische Mugger verpflichded had.

Dr indernadsionale Erfolgg von dem Album had zu Oiladunge zu große Dschäss-Hocketse gfüahrd. George Benson ließ beim Hamburger Weschtport-Feschdival ´95 d´Stimmung vom Nils Gessinger uffheize, Spyro Gyra teilte sich im Novembr ´95 d´Bühn mitem.

Scho ´96 had dr Pianischd, Komponischd un Arronscheur gnüagend Matrial ghabd, um füar sei zweide CD "Scratch Blue" ins Schdudio z´gange. 41 Musiger, drunder au Glampfelegend Robben Ford und Posaunischd Nils Landgren, schbielde a Mischung aus Vokal- un Instrumendaltidl oi, mid dene d´Band beim North Sea Jazz Feschdival ´96 in Den Haag die Zuhörer in ihre Bann gschlage had.

´97 widmede die ARD (s´Erschde) dem Kerle a 60-minüdige "Ohne Filter extra"-Ausgab midem Robben Ford als Schbeschl Gaschd.

2001 had dr Nils scho 16 neie Tidl füar sei drits Album "Jam it up!", welles´r in Los Angeles un Wakendorf II uner anerem midm Dave Weckl als Gaschschdar anner Schießbud produziard hat. S´isch grad im Mai 2003 nauskomme un isch ab´m Januar im Handel zom kaufe. Wenn´d oine han willsch, musch uff´dr "Jam" Seid bschdelle, woisch!